Mga katapo sang blind community nga naga pangmasahe sa BCGC i-require nga magkuha sang health card.
Nakigsapol na ang mga tiglawas sang 12 ka mga grupo sang blind community sa Bacolod LGU, Lunes sang hapon.
Ini may angut sa tuyo sang siudad nga i-require ang health card gikan sa mga naga pangmasahe nga katapo sang blind community sa Bacolod City Government Center.
Ginpahayag ni Secretary to the Mayor Atty. Jose Marty Go nga kinahanglan ang health card para masiguro pati ang ikaayong lawas sang ila gina-atender nga mga customer.
Kutob sa mga wala sang health card ang tagaan assistance sang siudad paagi sa mga seminar nga patigayunon sang Department of Health.
Dugang ni Go nga magluwas sa accreditation halin sa DOH, nagakaangay nga may national certification ang mga naga pangmasahe halin sa TESDA.