Mga empleyado sang Central Negros Electric Cooperative ang nag upod sa Black Friday protest sang mga electric cooperative sa pungsod.
Nagsuksuk sang t-shirt nga itom ang mga empleyado sang Ceneco subong nga adlaw bilang pagbuylog sa protesta sang Philippine Rural Electric Cooperative Association incorporated batuk sa ginakabig sini nga harrasment batuk sa mga electric cooperatives.
Suno kay malou parroco nga isa sa empleyado sang Ceneco, kada Biernes magasuksuk sila sang itom nga t-shirt agud ipakita ang ila pagsuporta sa panawagan sang Philreca sa gobyerno ilabi na sa National Electrification Administration.
Isa sa mga ila ginapamatukan amo ang pag take over sang mga pribado nga kumbuyahan sa mga electric cooperatives kasubong sang nagakatabo sa iban nga mga probinsya.
Samtang, isa naman ka brownout ang naka schedule sa maabot nga Domingo sa pila ka bahin sang bacolod humalin las siete sang aga tubtub las singko sang hapon.
Ini ang tuga sang maintenance activities nga pagahimuon sang Ceneco sa burgos substation sini gani apektado ang Barangay Estefania, Villamonte, Granada kag Alangilan.