Gin-isa-isa inspeksyon sang bag-ong pungko nga regional director sang Bureau of Jail Management and Penology sa Negros Island Region ang mga prisohan sa nagkalain-lain nga distrito, siudad kag banwa sa Negros Occidental, Negros Oriental kag Siquijor.
Personal nga ginbisita ni regional director Jail Chief Superintendent Brendan Fulgencio ang mga prisohan agud makit-an ang sitwasyon sang pasilidad, pati na sang mga Persons Deprived of Liberty nga yara sa sulod.
Luyag ipasiguro sang bag-o nga pamunuan sang BJMP sa rehiyon nga nagasunod ang mga jail facilities sa standards sang ahensya, ilabi na sa seguridad, ikaayong lawas kag tawhanon nga kinamatarung sang mga PDLs.
Isa man ini ka tikang agud mahibaluan ang mga butang nga kinahanglan bag-uhon ukon pasanyugon sang tagdumalahan sang BJMP sa rehiyon.