Shadow

Biyahe sang mga fastcraft pa Iloilo ginbuhinan

Nagnubo sa katunga ang kadamuon sang mga fastcraft vessels nga naga biyahe Bacolod-Iloilo humalin sang nagligad nga semana.

Ini suno kay Frank Carbon sang Weesam Express nga nagsiling man nga may tuman nga pagnubo sa kadamuon sang pasahero matapos nga ang siudad kag probinsya sang Iloilo ang gin paidalom sa enhanced community quarantine.

Sadto anay suno kay Carbon ang mga fastcraft sang tatlo ka mga shipping lines ang may tig duha ka trip sa isa ka adlaw.

Sa karon tatlo na lamang ang kabilugan nga mga trip, isa ang iya sang Weesam Express kag duha ang sa Ocean Jet sa matag-adlaw.

Nagapanawagan man si Carbon sa pumuluyo, nga istrikto nga sundon ang health protocols para malikawan ang paglapta sang Covid-19 kag malikawan ang pag elevate sang quarantine status sang ila nga mga lugar.

Leave a Reply

Your email address will not be published. Required fields are marked *

Secured By miniOrangeSecured By miniOrange