Bivalent Vaccines para sa booster shot sa Covid-19 ang nag-abot na sa probinsya.
Suno kay OIC Provincial Health Officer, Dr Girlie Pinongan, sila ang naga hulat pa sang advice gikan sang Department of Health bahin diri.
Pero mangin priority sa bivalent vaccines nga nag abot amo ang mga health care workers labi na ang yadtong yara sa mga ospital.
Maga serbe ini nga ikatlo na nila nga booster shot.
Ang bivalent vaccines gina siling nga maga hatag sang proteksyon gikan sa iban pa gid nga strain sang virus.
Pero, ginsiling man ni Pinongan nga sa karon, ang kadamuon sang nag abot nga supply indi sarang nga maka sakop sang bilog nga health care workers.
Samtang, 121 ang active cases karon sang Covid-19 sa probinsya.
Pito naman ang na admit sa Cadiz District Hospital nga amo ang Covid designated hospital.
Padayon nga manubo ang Covid cases sa Negros Occidental suno kay Pinongan.