Napulo ka mga katapo sang PDP – Laban nga mga incumbent officials sang siudad sang Victorias ang nag-resign sa partido. Sa sulat ni Vice Mayor Abelardo Bantug, III, kag sang siyam ka katapo sang SP, kay Rep Jose Alvarez sang second district sang Palawan, nga presidente sang PDP – Laban, nagdangat sa ila nga atensyon ang pahayag ni Atty Jesus Hinlo, Negros Occidental Council Chair sang PDP, nga kun kinahangalan, ila iga-field, si anay Victorias City Mayor Francis Frederick “Wantan” Palanca bilang gubernatorial candidate sa Negros Occidental kontra kay incumbent Governor Eugenio Jose “Bong” Lacson para sa 2025 mid-term elections.
Gin siling nila nga ang amo nga desisyon ang wala naka agi sang consultation sa ila.
Gani sanday Vice Mayor Bantug kag siyam ka councilors sang Victorias City, ang nag hatag sang ila irrevocable resignation gikan sa PDP-Laban effective immediately. Nalakip sa naglagda amo sanday councilors Francis Frederick “Derek” Palanca, Teresita Bartolome, Deilen Hofileña, Hermie Millan, Dino Jose Maria Acuña, Dexter Senido, Danilo de Asis, Jr., Joji Larraga kag Audie Malaga.
Dugang pa nila nga ang liderato sang
PDP-Laban sa Negros Occidental sa idalom ni Atty. Hinlo ang nag overlook sang basic principle nga ang isa ka organization dapat naga promote sang inclusivity paagi sa “consultation before decision”.
Ila man ginsiling nga sila ang naga ugyon sa pahayag sang ila nga Local Chief Executive, Mayor Javier Miguel Benitez, nga ang governance style and decisions sang tion sang administrasyon ni former Mayor Palanca ang wala naga reflect sang direction subong sang Victorias kag sa palaabuton.