Pag paidalom sa state of calamity sang banwa sang Binalbagan ang gin-recommend na sang local Disaster Risk Reduction Management Office. Samtang, siudad sang Kabankalan ang padayon nga naga tipon sang datus para man sa posible pag paidalom sa state of calamity.
Suno kay Engr Jernie Rondin ang LDRRMO head sang Binalbagan, sandig sa guidelines kun 15 percent sang population ang apektado sarang maka declare sang state of calamity.
Sa Binalbagan suno sa iya 10,413 ka pamilya ang apektado sang pag-ulan kag pagbaha dala sang southwest monsoon ukon habagat nga gin pabaskog ni bagyo Crising.
13 sa 16 ka mga barangay sang banwa ang apektado.
May reported crop damage man. Masobra sa 56 hectares sang humay kag mais ang nahalitan.
May kahalitan man sa fisheries kag livestock nga nag dangat sa masobra P1.2M.
“Based on the guidelines kun 15 percent of the total population affected. Amon 13 barangays ang affected namon. All in all may ara kami 10,413 nga families nga affected”, suno kay Rondin.
Sa Kabankalan naman, suno kay Mayor Benjie Miranda padayon pa ang pag tipon sang datus.
16 ka mga barangay ang apektado sa baha sa report sang PDRRMO, kag 994 naman ka pamilya ukon 3,547 ka persona ang gin-evacuate.
