Hagna nga naga duso sang menstrual leave ang naga kinahanglan sang dugang nga pag tuon.
Ini suno kay Negros Occidental Governor Eugenio Jose Lacson nga nagsiling nga ini ang mahimo nga maga discourage sa mga employer sa pag-hire sang kababainhan.
Dugang pa niya may yara gani sang mga opinion nga ang kasubong nga tikang ang indi masarangan sang mga magagmay nga kumpanya.
Gin-file ang hagna nga naga hinyo sang duha ka adlaw nga paid menstrual leave per month para sa mga babaye nga empleyado ni Gabriela party-list Representative Arlene Brosas.
Sa idalom sang amo nga bill gina hatagan sang benepisyo ang mga female employees nga indi maka report sa trabaho tubtob sa duha ka adlaw bangud sang pre-menstrual ukon menstrual tension pero sa gihapon maga baton sang 100 percent nga sweldo.
Samtang, pabor naman ang gobernador sa gina duso ni senador Win Gatchalian nga ang mga buluthuan dapat mag balik na sa June to March nga academic calendar.
Ini ang naga tugot sa mga estudyante nga mag break sa tion sang summer months.
Suno kay Lacson, ang tuman nga kainit mahimo maga apekto sang kahimtangan kag performance sang kabataan.
Ang break subong naga tupa sa tig-ululan.
Suno kay Lacson importante man nga ang mga estudyante mahatagan sang ligwa nga maka pahuway kag maka enjoy.