Wala sang endorsement sa konseho sang Bacolod ang gin-file sadto nga House Bill 566 ukon ang redistricting bill ni Congressman Greg Gasataya kabangdanan nga nag-ungot ini sa kongreso.
Gani sini lang nga Hulyo 1, liwat niya nga ginfile ang House Bill 297 nga nagatuyo magtukod sang ika-duha nga legislative district sang siudad.
Sa idalom sang Benitez administration ginalauman sang kongresista nga makuha ang approval sang Sangguniang Panlungsod agud matuman na ang pag-tunga sang 61 ka mga barangay sa duha ka mga distrito sa Bacolod.
Ang mas epektibo nga serbisyo publiko sa pumuluyo gamit ang dugang nga national funds ang kabangdanan sang pagfile sang kongresista sang hagna para sa ikaduha nga legislative district sa siudad.