Nagsaka sa 34 ang fireworks-related injuries sa Western Visayas.
Humalin sang December 21 tubtob December 28, 34 ang fireworks related injuries.
11 percent naman ini nga mas manubo kun ipaanggid sa kasubong nga tion sang nagligad nga tuig.
Sa datus sang Department of Health Region 6, anum ang nagdugang nga kaso sang fireworks-related injuries sa Disyembre 27 tubtob 28.
Sa dugang nga mga kaso, duha ang blast ukon burn injuries nga wala sang amputation kag apat ang eye injury nga kaso.
Tatlo diri ang bangud sang boga.
Mayoriya sa mga nasamaran mga kabataan nga yara sa 1 to 10 years old.
Samtang, sa December 26 nga datus sang Provincial Health Office, walo ang firecracker related injuries sa Negros Occidental gikan sa mga non-sentinel hospitals, isa naman sa Bacolod gikan sa sentinel hospital.
Padayon ang panawagan sang DOH nga likawan ang mag palupok kag sa baylo mag gamit na lamang sang mga alternatibo nga pang pa gahod.