Makita sa CCTV footage ang hitabo kun sa diin ang biktima nga sakay sa isa ka bisikleta ang nabungguan sang isa ka motorsiklo kag nalasakan pa sang pick-up sa National Highway sakop sang Brgy Taloc, siudad sang Bago, kahapon sang kaagahon.
Ang biktima ang positibo nga ginkilala sang iya pamilya. Siya si Kevin Casabuena, 22 anyos kag residente sang Brgy Sum-ag sa Bacolod City.
Suno sa pamilya sang biktima nga nakapauli pa si Casabuena apang kaagahon na sang madeparahan sang iloy sang biktima nga bukas ang ila sini gate kag wala na ang bike.
Kahapon sang aga, ginpangita pa ini sang pamilya apang kagab-i, gin-message sang ila pakaisa kun ara ang bike sa ila balay. Pinaagi sa litrato sang bisikleta sa balita sa Facebook nahibaluan nila ang natabo sa kay Kevin.Nagapanwagan ang pamilya sa driver sang pick-up nga atubangon ang iya nga responsibilidad sa ila napatay nga himata.