Una nga nag viral sa Facebook ang ini nga video. May isa ka grupo sang mga bikers nga naga lantaw sa bike race sang kahapon nga naga bantay sa mga competitors. Ginduhulan sang botelya nga may tubig kag ginpainum sa isa sa mga bikers kag ginbasya sa iya. May nagsabat pa sa video nga halin sa sapa ang tubig.
Dugay dugay may isa pa gid ka video nga nag viral, ang actual nga pagkuha sang tubig sa sapa kun sa diin may naga tubog nga carabao.
Diri na kumpirma sang organizers sang 1st Balik Yuhom XC Race nga mahigko ang tubig nga ginpainum sa participant.
Suno kay Roseller “Jojo” Ramos, gilayon nila nga gin contact ang tatlo ka mga kabataan. Isa lang ang nagsabat kag nag ako nga iya mga kaupdanan ang nangsasko.
Sa kainit sa ginhimo nga pangsasko kag ginpost pa sa social media suno sa kay Ramos, desidido ang ginsaskuhan nga magpasaka sang kaso.
Ang iloy sang mismo nagpainum sang tubig sa participant ang nakig angut man sa biktima para mahusay kag natalana sila mag atubangay sa barangay
Ginapakamalaut sang organizers ang ginhimo nga pagsasko gani gina assist nila ang tagreklamo sa pagfile sang complaint.
Napa blotter na sa PNP ang amo nga insidente.
Ang mga menor de edad ang iban sang organizers sa mga race.
Ang ginsaskuhan nga participant amo ang nangin kampyon sa LGBTQ category.