Patay ang teenager nga nagabisekleta matapos makabunggo sa likod sang nagapundo nga jeep sa national highway sang Barangay Zone 15 sa Talisay City, Domingo sang gab-i.
Ang napatay nga lalaki ginkilala kay alyas “Ricky”, 18-anyos, isa ka estudyante.
Gindala ang biker sa ospital sa Bacolod City apang siya ang nagtaliwan.
Nag gwa sa traffic investigation nga na-aberya ang jeep nga gina-maneho sang 54-anyos nga driver.
Sa panaysayon sang driver nga si alyas “Wilfred”, naguba ang makina sang jeep rason nga ginpahigad niya ini sa dalan agud makapangayo sang bulig.
Suno sa driver, bangud naga-inulan kag nagahingagaw siya nga makapangayo sang bulig, wala siya makabutang sang early warning device.*
[sibwp_form id=1]