Nahuman na ang bidding para sa duha ka mga slaughterhouse nga paga tukuron sa banwa sang Hinoba-an kag Cauayan.
Suno kay Provincial Administrator Rayfrando Diaz, double A standard ang paga tukuron nga mga slaughterhouse sa tinutuyo nga mapaayo sang safety sang pagkaon ilabi na ang karne nga maga ag isa amo nga slaughterhouse.
47.4 million pesos ang bili sang proyekto sa Cauayan kag 49.6 million naman ang sa Hinoba-an.
Sa kabilugan may anum ka mga na aprobahan nga iga tukod nga slaughterhouse sa probinsya. Suno kay Diaz, gina paabot nga sa masunod nga duha ka bulan iga bid man ang mga slaughterhouse project nga pagatukuron sa Toboso, Binalbagan, San Carlos City kag Murcia nga tagsa nagabili sang mga 50 million pesos.
On process naman suno kay Diaz ang sa EB Magalona. Suno kay Diaz ang probinsya ang nag bulig sa mga LGU sa pag process sang ila nga mga dokumento para sa amo nga proyekto. Kun mahuman na iga turn-over ini sang probinsya sa natungdan nga mga LGU.