Bidding para bulk water project sang probinsya kahapon ang wala nadayon. Tigaylo ini ang gin paisol sa bulan sang Oktubre.
Suno kay Acting Provincial Administrator, Alberto Nellas, Jr., kahapon gin-schedule nila ang bidding para kuntani i-accommodate ang naga isahahon nga bidder nga nagpabutyag nga luyag sila mag drop sang bid.
Sang wala ini natigayon suno kay Nellas sila ang naghilisugot nga i-grant ang hinyo sang mga bidders nga iga-extend ang deadline agudto sila ang makahanda para sa sa ila bid para sa 1.2 billion pesos nga project sang probinsya.
Ginapaabot nga napulo sa gihapon ka bidders ang maga pakigbahin.
Kun may mag dugang man nga bidder suno kay Atty Nellas subject na ini sa diliberation sang Provincial Bids and Awards Committee bangud madamo na sang mga consultation nga natabo. October 28 ang bidding.
Samtang, padayon nga naga laum ang probinsya sang resolution of no objection sang Silay.
Ang RONO ang kinahanglan para mag kuha sang Environmental Compliance Certificate ukon ECC.
Ang ECC naman isa sa mga kinahanglanon para maka kuha sang water rights.
May duha ka off take points para sa bulk water project – ang Imbang River sa Silay kag Malogo sa EB Magalona.
Suno kay Nellas kun indi tigayon makakuha sang RONO gikan sa Silay ang Malogo off take point na lamang ang gamiton sang probinsya nga amo man ang gina kabig nila main off take point sang proyekto.
Ginlakip na lamang ang Imbang bangud sang kalapiton sini sa Silay, Talisay kag Bacolod suno kay Nellas.