Bidder para sa supply sang kapin P15M nga pertussis vaccines nga ginaplano baklon sang Bacolod LGU ang na disqualify.
Ginpayahag ni Bids and Awards Committee Chairperson Atty. Hermilo Pauyon nga na- fail ang ginpatigayon nga bidding para sa P15M nga supply sang pertussis vaccines nga ginaplano baklon sang siudad.
Sa bid evaluation, ginkulang sa requirements ang bidder nalakip diri ang single largest completed contract.
Gani nagdesisyon ang katapo sang BAC nga i-reschedule ang bidding para sa proyekto.
Si Department of Health Regional Office 6 Director, Dr. Adriano Suba-an, nagpasalig sang libre nga pertussis vaccines sa Western Visayas.
Pero pabor siya sa plano sang mga LGU angut sa pagbakal sang dugang nga supply sang bakuna agud mas mapangapinan ang publiko, ilabi na mga kabataan batuk sa makamamatay nga balatian.