Bacolod Housing Authority magasapol sa Oktubre 1 upod sa 296 ka mga homeowners para sa natalana nga pag-turnover sang Yuhum Housing units sa Barangay Vista Alegre.
Sa madason nga bulan ginapaabot nga masuguran na ang pagtake-out sang mga housing units sa Yuhum Village sa Barangay Vista Alegre sa Bacolod.
Gani sa Oktubre 1, magasapol ang pamunuan sang Bacolod Housing Authority, Department of Human Settlement and Urban Development kag PAG-IBIG upod sa mga housing beneficiaries agud mapatpat ang mga obligasyon nila antes pa sang aktwal nga pag-occupy nila sang iga-award nga housing units.
Ginpahayag ni BHA Head Ma. Victoria Parrenas nga upod sa DHSUD kag PAG-IBIG ginadihon na sang Bacolod LGU ang natalana nga turn-over ceremony sa nahauna nga Yuhum Housing Village nga kabahin sang Pambansang Pabahay Program.
Kabahin sa mga housing beneficiaries mga sharers, first time house buyers kag mga renters gikan sa mga banwa kag siudad sa probinsya.