Bureau of Fire Protection ang naga haylo sa publiko nga indi mag bakal sang mga palupok gikan sa mga naga baligya nga indi sa designated areas.
Paathag ni SFO2 Glenn Granada ang OIC-Chief sang Fire Safety Enforcement Section sang BFP – Negros Occidental dapat nga ang mga naga baligya sang palupok yara lamang sa designated nga area nga gina identify sang tagsa ka banwa kag siudad. Mismo ang BFP ang naga patigayon sang inspection kag naga issue sang Fire Safety Inspection Certificate. Sa masami ang mga naga baligya sang palupok sa kilid-kilid wala sang business permit. Ini tanan sa pag pasiguro sang safety sang publiko. Ang mga LGU ang naga pa gwa man sang listahan sang na identify nga firecracker zone ukon mga lugar kun sa diin pwede nga mag palupok.