Sa sisentay uno ka mga barangay sa Bacolod City ang Barangay Taculing ang pinaka una nga barangay nga nag angkon sang kaugalingon nga fire truck kag Community Fire Auxillary Group.
Masobra na ini sila sa duha ka tuig. Basta may sunog kag malapit sa ila pwede sila ma deploy sang Bureau of Fire Protection.
Sisentay sais na tanan ka mga fire incidents ang na respondehan nila nalakip na diri ang dako nga sunog sa isa ka bodega sa Villa Lucasan sa Barangay Mandalagan kag ang dako man nga sunog sa Barangay 12 sa kilid sang Manokan Country sang nagligad nga tuig.
Suno sa kay Joemarie Baldomar, fire chief sang CFAG Taculing, magluwas nga sila man ang gina deploy kun may kalamidad, preparado man sila mag responde sa sunog.
Ang Handumanan sa karon may yara naman sang CFAG.
Isa lamang ang CFAG sang taculing sa mga gin pasidunggan sang BFP sa ila nga culminating activity sa fire prevention month. Mga partner agencies, fire volunteer groups kag katapo sang media.
Dako ang pagpasalamat ni City Fire Marshall Chief Insp. Rodel Legaspi nga indi amo sina kadamo sang nagluntad nga sunog sini nga bulan. Suno sa iya, ina bangud sang mga partners nila nga naga bulig kada may insidente sang sunog.
Wala man kuno sang dalagko nga insidente sang sunog nga natabo kag kalaban grass ukon grabage fire. Pero panugyan niya sa publiko indi sa gihapon mag kumpyansa ilabi na nga mainit ang panahon.