Sa advisory nga gin-release sang Bureau of Fisheries and Aquatic Resources subong nga Nobyembre 19, gin anunsyo sang ahensya nga partially gindula na ang restrictions sa pagpangisda kag pagpanguha sang isda nga gin issue nila sadtong October 28, 2025.
Base sa assessment sang BFAR Region 7, ang fish samples nga na kolekta sa baybayon nga apektado sang wastewater spill sa Bais City kag Manjuyod ang naka pasar sa sensory evaluation.
Ang water analysis naman nga ginpatigayon sang November 11-12, nagapakita nga ang water quality parameters ang naka pasar na sa acceptable limits kag wala sang na detect nga level sang coliform bacteria.
Gani panugyan sang BFAR ang publiko ang mahimo na nga mag pangisda, panguha sang aquatic organisms lakip na ang finfish, crustaceans kag seaweeds.
Pero panugyan sang BFAR hugasan gid anay sang maayo ang seafood antes lutuon.
Ang tanan naman nga shellfish kag acetes ukon gagmay nga pasayan kag mas kilala bilang alamang ang indi pa pwede kay may mataas pa nga level sang plankton kag vibrio sa North Bais Bay.
Sang nagligad nga bulan sang nag awas sa Bais Bay nga kabahin pa sang Tañon Strait ang waste water gikan sa containment lagoon sang URC Bais Distillery bangud sang sunod-sunod nga linog kag mabunok nga ulan nga nag resulta naman sa temporaryo nga pag untat sang ila operation.
Samtang nagpagwa naman sang Executive Order si Mayor Raffy Andaya nga balik na ang mga tourism activities sa Manjuyod kasubong sang pagkadto sa sandbar.*