Best performing barangays natalana pasidunggan sa Better Bacolod Awards sa Dec. 5
Makaduha na ka beses nga nangin Seal of Good Local Governance awardee ang Bacolod LGU nga ginakilala isa sa mga top performing cities sa pungsod.
Nagapati si Bacolod DILG Head Christian Nagaynay nga dako nga bulig sa kadalag-an sang siudad ang kontribusyon sang mga kabarangayan.
Gani sa Disyembre 5, igalunsar sang Bacolod LGU kag DILG ang nahauna nga Better Bacolod Awards agud kilalahon ang mga barangay kag SK officials pati na ang mga programa nga nakahatag kaayuhan sa komunidad.
Gindugang ni Nagaynay nga ang awards night pamaagi agud ma-motivate ang mga kabarangayan nga mas mapasanyog ang ila performance nga maga benepisyo sang siudad.