Bangud sang atensyon nga nakuha sang Bacolod City sa Masskara Festival, mas madamo sang negosyante nga nagka interes sa siudad kag naga plano nga mag invest diri. Ini suno sa kay Bacolod City Mayor Albee Benitez.
Dugang pa niya, kun wala gid man malab-ot ang dos siyentos mil nga bisita, malapit diri ang kadamuon sang tawo nga nag padulong sa Bacolod para sa selebrasyon.
Kun ibase lang sa mga hotel bookings, mga napuno nga restaurant kag tawo sa dalan indi malayo nga nalab-ot sang siudad target sini nga kadamuon sang bisita.
Sa pangkabilugan suno sa kay Benitez isa ka mabaskog nga mensahe ang ginpalab-ot sang Masskara Festival sa bilog nga pungsod…. Nga tapos na ang pandemic kag kinahanglan na magpadayon.
Sa speech ni President Ferdinand Marcos Jr., sa pag padulong niya sa Bacolod para sa selebrasyon iya man ginsiling nga dapat na mag balik sa normal nga pangabuhi ang tanan.