Bacolod City Mayor Albee Benitez magahinyo sang bulig sa national government may angut sa balayran para sa mga nag-expire nga bakuna.
May original copy na sang multi lateral agreement sang siudad kag AstraZeneca Pharmaceuticals Philippines Incorporated ang Benitez Administration nga nakuha gikan sa supplier sang bakuna.
Nanukot sang P98 milyones ang AstraZeneca sa siudad para sa 434,000 doses sang vaccines.
Pero gina-review na sang City Legal Office ang kontrata matapos nga kapin sa 334,000 doses sang bakuna ang nag expire na sa Department of Health Central Office.
Ang alkalde ang nagpahayag na damlag pa nga indi magbayad ang siudad para sa nag expire nga bakuna nga wala ma deliver sang AstraZeneca.
Sa karon magahinyo siya sang bulig sa national government para ma-settle ang balayran para sa supply sang bakuna.