Halin sa kinse pesos kag 43 sentimos magasaka sa desi sais pesos kag 29 sentimos ang balayran para sa per kilowatt hour nga ginasukot sang Central Negros Electric Cooperative sa bulan sang Nobyembre.
Ang pagsaka sang bili sang kuryente kabahin sa mga tuyo nga matagaan solusyon ni Mayor Albee Benitez amo nga bwas natalana siya nga magasapol upod sa Energy Regulatory Commission.
Paagi sa ginadihon nga Power Plan luyag sang alkalde nga mapanubo pa ang presyo sang kuryente pinaagi sa posible pagtukod sang joint venture agreement upod sa mga solar power plant kag biomass power plant diri sa probinsya.
Sa sini nga pamaagi nagapati ang alkalde nga sarang pa mapanubo sa tres pesos pasaka ang per kilowatt hour nga ginasukot sang distribution firms sa mga kunsomidor.