Shadow

Benitez, Gasataya kag 3 ka mga konsehal nag oath taking sa Brgy. Singcang Airport

Kagab-i lang na desisyonan sang katapo sang Asenso Bacolod nga magbalik sa Barangay Singcang-Airport para sa oath taking ceremony.

Gani wala man sila maglaum nga mapuno sang ila mga suporters ang Don Jose R. Torres Elementary School gym.

Kay Punong Barangay Rosinie Distrito nanumpa si mayor elect Albee Benitez.

Nagsiling si Benitez nga sa Barangay Singcang-Airport siya naka kuha sang dako nga margin of votes gani upod sa katapo sang Asenso Bacolod nagbalik sa ila para magpasalamat.

Nanumpa man sanday re-elected Councilor Simple Distrito kag elected Councilor Vladimir Gonzales kag Jason Villarosa.

Kaupod nila si re-elected Congressman Greg Gasataya nga emosyonal nga nagpasalamat sa pag upod sa panibag-o nga partido.

Yara man sa seremonya ila mga kaalyado sa Asenso Bacolod nga sanday anay konsehal Ceasar Distrito kag anay board member Patrick Lacson.

Ang iban nga mga nagdaog nga konsehal nga wala sa oath taking nagsiling nga na alang-alang sa schedule gani sa inagurasyon na lang maga tambong.

Secured By miniOrange