Nagakaigo lamang nga amat-amaton na ang pagbalik sa kinaandan. Ini suno kay provincial consultant Albee Benitez.
Dapat mahangpan sang mga pumuluyo nga indi na madula ang Covid-19, kag daku ang bulig ang bakuna agudto maka balik sa normal ang pangabuhi sang tagsa-tagsa.
Suno kay Benitez gina lantaw na ang transition gikan sa pandemic padulong sa endemic.
Ang mga theme parks kag ang iban nga mga lugar nga gina sayo sang mga tawo ang dapat mag balik na. Sa pagbuylog diri kag kadungan sa pag patigayon sang pediatric vaccination sa 5 to 11 nga age group, libre nga ticket sa Magikland ang gintanyag sa mga nag pabakuna.
Paathag ni Benitez, wala labot nga ini pagpakita sang suporta sa mga nagpabakuna, pagpakita man ini sang tikang nga pagbalik sa normal karon nga yara sa alert level 2 na ang Negros Occidental.
Naga pati man si Benitez nga nagakaigo nga dulaon na ang curfew.