Wala sang kamatuoran suno sa Bacolod City Police Office, ang nagalapta karon sa social media angut sa presensya sang kidnapping group ukon sang mga kaso sang kidnapping sa Bacolod.
Sa press release sang BCPO, ila gin siling nga wala sang may na report angut diri sa kapulisan kag indi matuod ang nagalapta nga mensahe nga kuno gikan sa PNP Bacolod may kaangtanan sa grupo sang mga kidnappers.
Gina usisa na karon sang BCPO kun sin-o ang yara sa likod sang sini nga nagalapta nga mensahe sa social media kag sila ang magapangatubang man sang kaso kun mapamatud-an.
Si BCPO Director, Col Thomas Joseph Martir, ang nagapahandumdom man sa publiko angut sa pag verify sang mga impormasyon.
Iya man ginpahayag nga nagapabilin nga malinong ang siyudad.