Nagpasalig ang Bacolod City police Office nga wala sang dapat kabalak-an ang mga negosyante sa Bacolod, labi na ang mga panwnshop bangud nakaalerto sila matapos ang natabo nga broad daylight robbery sa isa ka pawnshop sa Colon, Cebu City weekend.
Suno kay Police Lieutenant Colonel Ronnie Brillo, Deputy City Director for Administration, may apat ka team sang SWAT ang BCPO kag mas ginpabakud ang monitoring agud mapasiguro nga wala sang kabalak-an ang mga negosyante sa siudad.
Dugang pa ni Brillo, wala man sang organized crime group sa Bacolod bangud madugay na nga nabungkag ang mga katapo sang robbery group.
Na aresto na ang mga mga suspek nga nanulod sa pawnshop sa Cebu pati na ang mastermind.
Bulan sang Pebrero sang ginsulod sang mga kawatan ang Gaisano Mall sa Silay City kag ginpangkawat ang mga alahas nga ginabaligya sa isa ka estante.