Ginapasiguro ni Police Colonel Eugene Rebadomia, Director sang Bacolod City Police Office sa mga magatambong sa Bacoloadiat Festival kag Negros Island Region Athletic Association Meet nga malinong ang siudad sang Bacolod.
Ini ang kasunod sang mga reports sang pagpangawat kag pang hold-up sa siudad.
Ginsiling niya nga may mga tikang na ang kapulisan agud tapnaon ang amo nga mga kriminalidad. Nagapanawagan man siya sa mga pumuloyo nga mangisog sa pag report.
Sa piyak sang mga na report nga pagpang hold-up kag pagpangawat, ginsiling ni Rebadomia nga wala sang mga dalagko nga grupo sang mga kawatan ang naga operate sa siudad.
300 tubtob 400 ka mga kapulisan ang natalana nga i-deploy sa tuigan nga Bacolaodiat Festival. Ini ang pagahiwaton sa mga key festival sites kaangay sang Bacolod City Government Center kag mga malls.
Samtang, nag request naman sang 100 tubtub 200 ka augmentation forces ang BCPO sa Negros Occidental Provincial Police Office kag Regional Mobile Task Force para sa seguridad sang mga atleta nga magapadulong sa siudad sa pinakauna nga NIRAAM sa Marso 1 tubtob 7.
Plano sang BCPO nga magdeploy sang masubra sa 600 ka mga kapulisan sa bug-os nga semana sang kompetisyon.
Ang kapulisan ipahamtang sa mga billeting areas kag sport venues.*
[sibwp_form id=1]