Director Police Colonel Joeresty Coronica nagpaathag nga nag-agi sa legal nga proseso ang filing sang complaint sang retired police general nga imbolbado sa nagluntad nga pagbungguanay sa BANOCEH.
Halos tungang gab-i na sang na-file sang retired police general ang kaso nga reckless imprudence resulting in physical injury and damage to property batuk sa truck driver nga si Romer Estrada matapos ang nagluntad nga pagbungguanay sa Bangga LTO Highway sakop sang Bacolod Negros Occidental Economic highway sa Barangay Mansilingan sang Biyernes.
Paathag ni BCPO Director Police Colonel m Coronica, nag-agi sa legal nga proseso ang pag-file sang reklamo ni retired Police General Lope Lim.
Gindugang ni Coronica nga base sa initial nga pagpangusisa sang traffic investigator naga-gwa nga may salabton ang truck driver sang malab-ot sang iya ginamaneho nga truck ang u-box sang BMW motorcycle sang rider.
Ginpaathag man ni Coronica kun ngaa may pulis nga nagbantay sa driver nga nagpaidalom sa hospital arrest antes ini natigayon nga naka-pyansa kag naka-gwa sa ospital sang Domingo.