Nagpa-andam ang Bacolod City Police Office sa mga atleta kag mga tumalan-aw nga likawan ang game betting ukon pagpustahanay sa mga hinampang sa Negros Island Region Athletics Association Meet.
Ang mga madakpan nga nagapakigbahin sa amo nga iligal nga pustahanay ang sarang nga arestohon sang mga kapulisan.
Ginsiling ni Police Captain Dax Santillan, spokesperson sang BCPO, may ara sang mga kapulisan nga wala naka uniporme nga nagabantay sa mga sporting venues agud madakpan gilayon ang mga nagapustahanay.
Dugang ni Santillan, bangud anad na ang siudad sa pag-host sang mga dalagko nga aktibidad, nakahanda na ang bug-os nga pwersa sang kapulisan para sa mga amo nga butang ilabi na nga nagahilapit na ang final games.
Ginasiguro naman ni Santillan nga safe ang siudad para sa mga atleta sa piyak sa mga nareport nga hold-upanay sa Bacolod.
Smooth going ang paghiwat sang NIRAAM suno sa obserbasyon sang BCPO.
Natalana nga ideploy sang BCPO ang dugang nila nga pwersa sa biyernes, agud sigurohon nga malinog ang paghiwat sang mga final games kag sang closing ceremony sa Domingo.*
[sibwp_form id=1]