BCPO liwat nga nagapanawagan sang amendment sa CCTV ordinance sang siudad para mas mapabaskog ang kampanya kontra kriminalidad.
Nakasaad sa CCTV ordinance sang Bacolod ang pag-require sa mga dalagko nga mga commercial establishment nga mag-install sang dekalidad nga mga closed circuit television camera ukon CCTV kabahin sang pagpasanyog sang kampanya kontra kriminalidad.
2020 sang naduso sa konseho ang pagligwat sang natukod nga ordinansa.
Pero karon liwat nga nagapanawagan si Bacolod City Police Office Director Police Colonel Joeresty Coronica nga ma-amend ang pagsulundan kag ilakip ini sa mga requirement sang mga business establishment kasubong sang mga baligyaan.
Ini sa tuyo nga makabulig sa kampanya kontra kriminalidad. Magluwas sa mga commercial establishment, ginaduso man sang BCPO upod sa DRMMO ang dugang nga installation sang mga cctv camera sa mga pampubliko nga lugar kabahin sang tikang para mapalig-on ang emergency response sang natungdan nga mga ahensya.