Bacolod City Police Office magasapol kay Mayor Albee Benitez angut sa pagtalana sang reward money sa tuyo nga masolbar kag magkaladakpan ang mga suspetsado sa mga kaso sang pagpaniro sa siudad.
Indi lang mga unsolved cases ilabi na mga kaso sang pagpaniro ang tagaan atensyon ni Bacolod City Police Office Director Police Colonel Joeresty Coronica sa siudad.
Luyag niya nga tigayon na nga madakpan ang mga yadtong responsable sa mga nagluntad nga krimen nalakip na diri ang kaso sang pagpatay sa Grade 11 student nga si Nicus Balagosa sa Barangay Granada sang Hunyo.
Ginsiling ni Coronica nga magasapol pa sila kay Mayor Albee may kaangtanan sa ginaduso nga pagtalana sang reward money sa tuyo nga malubad ang mga ginakabig unresolved cases kag sa posible nga pagkatikma sang mga suspek.
Nagapati si Coronica nga sarang malubad ang mga kaso sang kriminalidad kun may handa mangisog kag mag- cooperate sa ila nga saksi.