
Sang kahapon gin testingan ni Negros Island Region PNP Director Brig. General Arnold Thomas Ibay kun ano kadasig mag responde ang mga pulis kasunod sang mandato sang PNP national office nga dapat sa sulod sang lima ka minutos maka responde na ang kapulisan.
Ginradyohan ang PNP base kag ginpa responde gilayon sa corner sang Circumferencial Road kag Alijis-Murcia Road kag sa sulod sang duha ka minutos kag 21 segundos naka abot ang patrol car sang PNP.
Bagay nga ginkalipay ni BCPO Director Police Col. Joeresty Coronica.
Paathag niya, may mga naghatag sang komento nga scripted ang natabo pero suno sa iya bisan siya ang wala makahibalo nga himuon ini sang PNP Regional Director.
Ang 5 minute responding time ang para masiguro nga yara ang mga pulis sa dalanon naga patrolya.
Gin surprise inspection man ni Ibay ang mga police stations sa Bacolod kag wala man ini sang may nakita nga indi nagakadapat.
Para sa BCPO director mas maayo kun may surprise inspection kay para handa ang mga pulis sa tanan nga tion.