Bacolod City Police Office Director, Col Joeresty Coronica ang iga-relieve sa pwesto.
Nagbisita kaina si Col Coronica kay Bacolod City Mayor Greg Gasataya, bilang kabahin naman sang iya nga exit call.
Sa interview sang media kay Coronica, iya ginsiling nga ang iya nga pagbisita sa alkalde ang isa na ka pormal man nga pagpasalamat sa wala untat nga pag-suporta sang lokal nga panguluhan sa BCPO sa tion sang siya ang nag pangalagad bilang City Director.
Isa ka tuig kag anum ka bulan nga nag pungko bilang pamuno sang BCPO si Coronica nga nagsugod sadtong pang tion ni anay Mayor Albee Benitez.
Iya ginsiling nga daku ang bulig sang city government sa pagpadalagan sang mga programa kag operasyon sang kapulisan sa siudad.
Sa karon ginsiling ni Coronica nga wala pa sang may napilian si Mayor Gasataya nga maga bulos sa iya.
Maga pakig angut ang alkalde sa kay Police Regional Office Director Thomas Ibay kag kun may napilian na ini, gina paabot ang iya nga relief order.*
[sibwp_form id=1]