BBWI luyag mag-construct sang ginaplano nga infrastructure project sang Bacolod LGU sa Matab-ang river para sa dugang nga water supply.
Nagaplano ang Bacolod LGU nga magtukod sang intake water pump and filtration system facility sa Matab-ang river agud matatapan ang ginakulang nga water supply sa siudad.
Ginsiling ni Mayor Albee Benitez nga ginasuguran na sang City Engineers’ Office ang detailed engineering design para sa proyekto nga sarang makahatag sang dugang nga 20 million liters a day nga supply sang tubig.
Pero interesado karon ang Bacolod Bulk Water Incorporated sa proyekto nga luyag nila ipatuman agud wala na sang galastuhon ang siudad.
Suno sa spokesperson sang alkalde nga si Punong Barangay Caesar Distrito padayon gina tun-an kag gina diskusyunan ang proposal sang bulk water supplier.
Dugang niya nga madayon man ukon indi ang proposal may okasarang ang siudad nga pindohon ang infrastructure project para masabat ang problema sa water crisis.