Naghatag na sang notice to vacate ang Bacolod City Legal Office sa pito ka mga balay nga napatukod sa sulod sang compound sang Bays Center sa Barangay 12.
Iligal ang pagpatukod nila sang balay bangud yara ini sa sulod sang compound nga ginatindugan sang mga talatapan sang gobyerno.
Ginsiling ni Retired Police Colonel Levy Pangue, pamuno sang CLO Enforcement Team nga bisan nakahatag na sila sang 10-day notice sang nagligad nga semana, indi dali-dali nga mapahalin ang mga naga-istar bangud residential houses ini.
Sa pito ka balay, ang iban diri gina-rentahan pa samtang ang iban naman gina-istarahan na sang pamilya. May tiangge man nga napatukod sa sulod sang compound.
Sa inisyal nga assessment sang Bacolod Housing Authority, diskwalipikado ang mga natungdan nga mahatagan sang relocation bangud illigal ang ila pagpatukod sa lugar.
Ginatun-an nalang sang siudad ang posibilidad nga mahatagan sila sang cash assistance agud mapahalin.
Magabalik ang DSSD kag BHA sa amo nga lugar sa masunod nga semana para mag resurvey. Matapos sini, magahatag na sang final notice ang CLO sa ila agud maghalin sa lugar.
Gina-amat amat na guba sang City Engineer’s Office ang Bays Center bangud sa pagatigayonon nga redevelopment sang Manokan Country sang SM Prime Holdings Inc.*
[sibwp_form id=1]