Mga bayo, habol kag hygiene kits ang kinahanglanon karon sang mga apektado sang Bagyo Odette sa siudad sang Sipalay.
Ini suno kay Mayor Gina Lizares nga nag siling man nga kalakip sa mga kinahanglanon ang mga construction materials agudto nga tigayon ang mga nadulaan sang balay maka patukod sang ila nga puluy-an kag tigayon nga makasugod liwat.
Naga pasalamat ang alkalde nga padayon ang pag-abot sang pagkaon kasubong sang bugas kag ilimnon nga tubig gikan sang gobyerno kag mga nagkalain lain nga grupo.
Isa ang siudad sang Sipalay sa tuman nga na apektuhan sang mag igo ang Bagyo Odette sa probinsya.
Nalakip man sa apektado ang tourism industry sang siudad nga bag-o man lamang gani naka amat-amat balik gikan sang epekto sang pandemic suno sa alkalde. Indi madali ang pag recover tubtob nga indi man mabalik ang kuryente sa lugar suno sa alkalde.
Kilala ang sipalay sa mga baybayon sini nga gina sayo sang mga dumuluong kag lokal nga turista.