Mga preska kag mas barato nga utan ang sarang mabakal sa Bacolod City Government Center Atrium dungan sa paglunsar sang Lab Merkado Kadiwa ng Pangulo Day.
Gikan mismo sa mga talamnan sang katapo sang Bacolod City Small Farmers Association kag Bacolod City Integrated Small Farmers Federation.
Ang mga utan nga ila ginabaligya ang mas manubo sa napulo tubtob beinte pesos kun ikumparar sa mga mercado.
Ginpahayag ni Hazel Pat nga president sang grupo sang small farmers organization, direkta nila nga nabaligya sa BCGC ang ila mga produkto nga wala na sang middle man kabangdanan nga mas barato.
Madasig man lang gani naubos ang ila ginabaligya nga tray sang itlog nga kabahin sang livelihood assistance project nga ila nabaton halin sa Kadiwa ng Pangulo program.
Kaupod sa Lab Merkado program ang City Agriculture Office kag Urban Basic Service Division sang Bacolod City Nutrition Committee.