Shadow

Barangay workers, senior citizens kag media madason nga bakunahan sa Negros Oriental

Dumaguete PIO photo

Barangay workers,senior citizens, media sunod nga bakunahan sa Dumaguete City.

Nagapadayon sa karon ang pag bakuna batuk sa COVID-19 sang Dumaguete City sa ila sini nga mga frontliners nga naga trabaho sa ospital.

Matapos sa pag bakuna sa mga frontliners, sunod nga paka bakunahan sang siudad amo ang mga barangay workers kag officials, senior citizens, mga indigent kag pati na mga miyembro sang media.

Gina paabot sang siudad nga sila ang mabakunahan sa 2nd quarter sang 2021.

Gin mando na ni Dumaguete City Mayor Felipe Remollo sa City Health Office sang siudad nga mag sugod na sa pag panghanda sa masunod nga pag abot sang COVID-19 vaccines.

501 ang total COVID-19 cases sa Dumaguete City pero karon, 15 na lang ang active cases.

Samtang sa Bacolod City, nagsaka sa 117 ang active cases sa siudad matapos madugangan sang 7 ka kaso sang COVID-19 kahapon.

Ang Negros Occidental ang may 16 naman ka dugang nga bag-o nga kaso sang COVID-19 sang kahapon.

Leave a Reply

Your email address will not be published. Required fields are marked *

Secured By miniOrangeSecured By miniOrange