Patay ang 58 anyos nga si Ruben Teves nga isa ka barangay tanod matapos ini gin labu-labo kagab-i sa Barangay Mansabalay sa Isabela.
Papauli na kuntani kagab-i ang biktima nga gikan sa birthday party sang ini ang gin bantayan sang suspek nga si Jason Piojo nga naga panago sa katubuhan. Sang mag labay si Teves, didto na siya gin labu-labo ni Piojo nga nag resulta sa iya sini kamatayon. Suno kay Major Joseph Partidas, hepe sang Isabela PNP, pagtimalos amo ang ila karon gina tan-aw nga motibo sa pag patay kay Teves. May ara abi sang impormasyon ang PNP nga nabaton nga si Teves amo ang gina tudlo nga nag patay sa amay ni Piojo gani ginbalusan ini sang anak. Detained naman karon ang suspek kag kaso nga murder ang ipasaka batuk sa iya.