Patay ang 59 anyos nga barangay tanod nga si Nilo Payo, matapos ini gintiro sang kahapon sa kilid sang baybay sa Purok Malipayon, Brgy 35 sa Bacolod.
Sa imbestigasyon sang PNP, ang biktima ang nagapamunit lang sa seawall sang hinali na lang sya gintiro sang makapila ka beses sang wala pa makilal-an nga persona.
Dead on the spot si Payo. Isa sa karon sa motibo nga gina lantaw sang PNP amo ang pag timalos batuk kay Payo. Si Payo ang na preso na sadto sa kaso nga murder sang tuig 1995.
2007 sang maka gwa ini sa presuhan. Padayon sa karon ang imbestigasyon sang kapulisan.