Nagtaliwan kagab-i ang barangay tanod matapos makuryente samtang nagabulig sa clearing operation sa Purok Katilingban, Brgy. Bata sa Bacolod City.
Nakaangkon sang mga paso sa lawas si Wiljo Valderrama kag gindala sa Riverside Hospital sadtong Nobyembre 11.
Matapos ang duha ka adlaw, siya ang ginbawian sang kabuhi.
Ginsiling ni Kapitan Remus Abaring sang Brgy. Bata nga ila pangitaan sang paagi nga ma-shoulder ang galastuhon sa pagpalubong kay Valderrama.
Ang nabilin nga hospital bills sang tanod nga naglab-ot sa P103,000 ang ginsabat na ni Bacolod Congressman Albee Benitez kag sang Tingog Partylist paagi kay Cong. Stephen Paduano.
Nailo ni Valderrama ang iya duha ka mga kabataan.
Suno kay Abaring, bag-o pa lang gid nga nag-obra bilang barangay tanod si Valderrama.*