Kaso nga Anti Graft and Corrupt Practices Act ang ginpasaka sang Central Negros Electrical Cooperative batuk sanday Barangay Singcang Punong Barangay Rosinie Distrito kag sa secretary kag treasurer sang barangay.
May kaangtanan ini sa kaso nga pagsupak sang Republic Act 7832 ukon ang Anti Pilferage of Electricity and Theft of Electric Transmission Lines ukon materials nga ginpasaka batuk sa ila.
Suno kay Malou Parroco, pamuno sang Consumer Services Division sang Ceneco, nagsugod ini sang ang barangay hall ang nag tap sa linya sang Ceneco nga lipod sa ihibalo sang Ceneco.
Wala pa mabaton ni Distrito ang reklamu pero nagapati siya nga pamulitika ang lang ang pagpasaka sang kaso batuk sa ila bangud abugado man sang kasumpong nga partido ang nagfile sang kaso para sa Ceneco.
Ginklaro naman sang tagdumalahan sang Ceneco nga natabuan lang nga nagapapili ang iloy kag utod sang punong barangay karon nga local elections.
Pero dapat manabat ang mga respondent sa kaso angut sa power pilferage.