Kun basehan ang record sang Philippine Drug Enforcement Agency, may 21.31 percent ukon 13 pa lang ka barangay sa Bacolod ang makabig drug cleared sang 2021.
Gani humalin kahapon gin seminar sang katapo sang City Anti Drug Abuse Council ang mga opisyales sa mga kabarangayan sa bacolod angut sa ila responsibilidad sa bahin sang kampanya kontra droga.
Suno kay Lieutenant Colonel Sherlock Gabana, spokesperson sang Bacolod City Police Office, indi lang sa anti-drug clearing operation ginakinahanglan nga mag cooperate ang kabarangayan kundi pati man sa monitoring kag rehabilitation program.
Ang kakulang naman sang drug rehab facilities ang ginhinyo sang mga barangay officials agud nga mapahagan-hagan ang halit sang iligal nga droga sa komunidad.
Sa bahin sang enforcement,ginpabaskog naman sang BCPO, PDEA upod sa Coast Guard ang hugot nga monitoring sa mga sea port agud mapunggan ang pagsulod sang dalagko nga supply sang iligal nga droga.