Kada tig-ilinit ginalantaw ang posible pagsaka sang kaso sang animal bites.
Ginsiling ni Assistant City Veterinarian Dr. Jec Cabuguason nga wala sang kaangtanan ang mainit nga panahon sa masami pagsaka sang kadamuon sang na-report nga animal bite cases.
Apang bilang precautionary measure natalana mag patuman sang mass pet vaccination ang katapo sang City Veterinary Office sa mga barangay agud nga mapahagan-hagan ang kaso sang rabies.
Nagapabilin sa isa ang rabies case sa siudad.
Indi man malipod nga pila sa mga animal shelters sa siudad ang may kabudlayan tungod sang mga rescues nga nagabalatian epekto sang tig-ilinit.
Ang City Vet ang padayon nga nagapahanumdom sa mga pet owners nga ipasiguro nga yara sa indoors ang mga hinuptanan kag ipaiway ang pagbilin sang mga ido kag kuring sa sulod sang naga-park nga salakyan.