May 50 ka dengue cases nga na record ang Bacolod sa March 12 sini nga report.
Duha diri ang napatay.
Kun ipaanggid sa kasubong nga tion sang nagligad nga tuig, mas mataas ini sang 4.2 percent.
Sa report sang City Health Office isa ka onse anyos nga bata nga lalaki gikan sa Singcang Airport ang napatay bangud sang dengue kag isa man ka 20 anyos nga babaye gikan sa Pahanocoy.
Ang Barangay Singcang Airport ang may pinaka madamo nga kaso sang dengue nga na-report, 7 kag ang Mansilingang naman may 6.
Tig lima ka kaso ang gin report sang Granada kag Mandalagan.
Tig tatlo naman sa Estefania, Cabug, Tangub, Pananocoy kag Banago.
Padayon ang pagpahanumdom sang City Health Office sa pumuluyo nga mangin malimpyo sa palibot ilabi nalikawan ang stagnant ukon naga pundo nga tubig.
Proteksyunan man ang kaugalinong kontra sa lamok.
Kag pag pa konsulta sa duktor sa ika duha ukon ikatlo nga adlaw sang hilanat.