Gindakop sang Criminal Investigation and Detection Group (CIDG)-Bacolod kag PNP sang Biyernes ang 11 tanan ka persona bangud sang iligal ng pag patigayon sang bulang sa Sitio Sabang, Barangay Elihan sa banwa sang Cauayan.
Kabahin sa nadakpan ang barangay kagawad nga si Jim Talanas.
Suno sa pamuno sang CIDG Bacolod nga si Police Executive Master Sergeant Ramiro Gocotano, si Talanas amo ang nagapatigayon sang iligal nga bulang sa barangay.
Arestado man upod sa kagawad ang barangay tanod nga si Danny Ortega kag siyam ka iban pa.
Na recover sang kapulisan ang mga pangbulang nga manok, upod sang iban pa nga mga kagamitan sa bulang kag malapit sa 6 mil pesos nga pusta.
Magluwas sa iligal nga pag patigayon sang bulang, suno sa CIDG ang mga gin aresto ang nag violate man sang health protocols bangud sa wala sila sang mga face mask kag wala man sang physical distancing.
Detained na karon ang mga gindakop kag nagkalain lain ng kaso ang ipasaka batuk sa ila.