Isa ka incumbent barangay kagawad sang Isabela ang nadakpan sa ginpatigayon nga drug buy-bust operation sa New Stockyard, Barangay 1 sa banwa sang Moises Padilla.
Ginsiling ni Police Major Ryan Villasario, hepe sang Moises Padilla PNP, nga si alyas “Lymel”, 41-anyos, ang ginakabig nga High Value Individual kag yara sa listahan sang Barangay Anti-Drug Abuse Council ukon BADAC sang Brgy. 6 sa banwa sang Isabela.
Isa man ka drug surrenderer ang kagawad sang siya ang wala pa sa pwesto.
Nakuha sa kagawad ang apat ka gramos sang ginasuspetsuhan shabu nga nagabalor P27,200.
Suno kay Villasario, mga isa man ka bulan ang ila surveillance sa kagawad nga naga-commission sang mga baboy kag iban pa nga kasapatan sa New Stockyard.
Detained karon sa custodial facility sang Moises Padilla Police Station ang kagawad kag paagi sa inquest proceeding, siya ang napasakaan sang kaso nga pagbaligya kag possession sang illegal drugs kag paraphernalia.
“Naga-commission ni siya sa New Stockyard, ang iya legal front naga-commission siya sang mga baboy, kun ano ang mga ano dira, but behind, ang pag-transact sang illegal drugs”, suno kay Villasario.*
[sibwp_form id=1]