Sa pihak sang ginaduso nga pagpaisol sang Barangay kag SK Elections sa Negros Oriental, gin anunsyo sang Commission on Elections nga madayon ang pinili-ay sa Oktubre 30.
Suno kay COMELEC chairperson George Garcia, ipaidalom man sa COMELEC control ang bug-os nga probinsya , base sa nangin desisyon sang COMELEC en banc.
Dugang pa ni Garcia, madamo sang mga residente ang nagapabor nga dayunon ang pinili-ay sa probinsya.
Bangud sini, ang COMELEC na ang may otoridad sa pagpatuman sang peace and security sa bilog nga probinsya sa bug-os nga election period. Ang PNP kag ang AFP ang maga kuha lamang sang mando gikan sa Comelec sa pagpasiguro sang matawhay nga pinili-ay.